Наверх

Погода в Астане: 04 октября, ночь: +3° 4 м/с04 октября, утро: +4° 4 м/с04 октября, день: +10° 4 м/с04 октября, вечер: +7° 5 м/с

Астанада «Жыр атасы - Қабан жырау» атты республикалық жыршылар байқауы өтеді

2932
Фото: Ашық ақпарат көзінен.

«Болашаққа бағдар: рухани жаңғыру» бағдарламасы аясында «Астана» концерт залында Қабылиса атындағы «Жыр атасы - Қабан жырау» атты I-ші Республикалық жыршылар байқауы өткізілмек, деп хабарлайды Объектив.kz филармонияның баспасөз қызметіне сілтеме жасап.

Байқау 2 сәуір күні сағат 11:00 де салтанатты түрде ашылып, сайыстың I – айналымымен жалғаспақ.

Өткен замандарда жыраулар жыр толғаушы ғана емес, халықтың рухани көсемі, қоғамдық пікір қалыптастырушы қайраткер рөлін атқарды. Әрі ақын, әрі батыр сондай жыраулардың бірі – Қабан (Қабылиса).

Жақұттай жырдың қадірін ұғып, қазақы өнерді сүйіп, дәстүрін дәріптеген сайыс үміткерлері 1 – 5 сәуір аралығында Астана қаласы әкімдігі «Мемлекеттік академиялық филармониясының» ұйымдастыруымен өткізілгелі отырған байқауда өз өнерлерін ортаға салатын болады.

Байқаудың мақсаты: ақын, жыршы Қабан жыраудың шығармашылық мұрасын насихаттау,ұлттық жыр өнерімізді өскелең ұрпақ санасына сіңіру.

Оценить материал
0