Судьяларға филология ғылымдарының кандидаты, доцент Жарқын Кенжебаева дәріс берді. Ол стилистика, сот актілерін мемлекеттік және орыс тілдерінде мазмұндау ерекшеліктерін түсіндірді.

Іс-шараны жүргізген судья Гүлнар Нұржігітова: «Сот актісі – сот билігі беделінің көрсеткіші, сондықтан онда тілдік және стилистикалық талаптар сақталуы тиіс. Сот актілерінің тілі жатық, терминдері түсінікті, сөйлемдері қысқа әрі нұсқа болуы қажет», - деді.

Жарқын Кенжебаева дәріс барысында ресми құжаттарды әзірлеу әдістемесіне кеңінен тоқтала келе, судьялардың сот шешімдерін жазу дағдыларын жетілдіру бағытындағы шетелдік озық тәжірибеден мысалдар келтірді.

Жиын соңында ұйымдастырушылар қазіргі уақытта облыста сот шешімдерін түсіндіру бойынша пилоттық жобаның жүзеге асырылып жатқанын, осыған байланысты судьяларды шешендік өнерге оқыту жоспарланып отырғанын атап өтті.

Дереккөз: Атырау облыстық сотының баспасөз қызметі.