Наверх

Погода в Астане: 24 июня, ночь: +12° 4 м/с24 июня, утро: +13° 4 м/с24 июня, день: +17° 5 м/с24 июня, вечер: +15° 4 м/с

ОҚО-да саятшылық өнерді ұлықтаған этнографиялық шара өтті

1633
Фото: Әкімдіктің сайтынан.

Оңтүстік Қазақстан облысы Түлкібас ауданында «Салбурын - мереке ғой саятшыға» атты этнографиялық шара өтті, деп хабарлайды облыс әкімінің баспасөз қызметі.

Шараның мақсаты - саятшылық, құсбегілік өнерді қайта жаңғырту. Мұнда қазақтың төл өнерін жанына серік еткен облыстағы жігіттер қауымы бақ сынады.  

Этно-танымдық шараның ашылу салтанатына қатысқан белгілі жазушы Мархабат Байғұт, мәдениет саласының үздігі Жәнібек Абданбекұлы, белгілі саятшы Мұхтар Атахан ұлттық салт-дәстүріміз бен әдет-ғұрпымыздың ұрпақ тәрбиесі мен қоғамдағы мәні жайын сөз етті.

Шара аясында бүркіт баптау мен құмай тазыларды аңшылыққа баулу, аңға салу жайында ой-пікірлер айтылып, іс жүзінде ел алдында көрсетілді. Оңтүстік өңіріне белгілі құсбегі Жомарт Кеуенов пен саятшы Мұхтар Атахан өз кәсіптерінің қыр-сыры туралы мағлұматтар беріп, саятшылық дәстүріміз туралы толғандырған сұрақтарға жауап берді.

Сондай-ақ, саятшылық пен аңшылық жайлы қысқа метражды бейнефильм түсірілді. Танымдық шара соңында Әдет-ғұрып және салт-дәстүр орталығының директоры Жәнібек Тағаев атсалысқан азаматтарға алғыс  білдіріп, шарада ерекше көзге түскен саятшыларды марапаттады.

Оценить материал
0