Наверх

Погода в Астане: 04 октября, ночь: +3° 4 м/с04 октября, утро: +4° 4 м/с04 октября, день: +10° 4 м/с04 октября, вечер: +7° 5 м/с

Медет Шотабаев Мемлекеттік стипендияға ие болды

1721
Фото: Театрдың баспасөз қызметінен.

26 қаңтар күні «Астана Опера» театрының жетекші солисі Медет Шотабаев Қазақстан Республикасының Тұңғыш Президенті – Елбасының мәдениет саласындағы Мемлекеттік стипендиясына ие болды, деп хабарлайды Объектив.kz театрдың баспасөз қызметіне сілтеме жасап.

Алматы қаласындағы марапаттау рәсімінде жетекші солист әртістердің шабытты шығармашылығы үшін барлық жағдайдың жасалғанын атап өтті. Осының бәрі Тұңғыш Президент – Елбасының арқасында мүмкін болды, оның бастамасымен керемет «Астана Опера» театры салынды, әртістер тыңдарман қауымды жаңа қойылымдарымен қуантып, ұлттық және әлемдік музыкалық классиканың бас қаһармандарының жарқын бейнесін сахнада жүзеге асыруда.

- Біздің театрымыздағы қойылымдар мен концерттерде де ине шаншар жер болмайды. Қазіргі таңда бәріміз – қазақстандық музыкалық өнердің асқақтап, гүлденуінің куәсіміз. Мәдениет саласындағы Мемлекеттік стипендияны табыс еткендеріңізге тағы бір мәрте алғыс айтуға рұқсат етіңіздер және қазақстандық өнердің мәртебесі үшін жаңа күшпен өнер көрсетемін деп сеніммен айтамын, - деді Медет Шотабаев.

Оценить материал
0