Наверх

Погода в Астане: 13 августа, вечер: +20° 7 м/с14 августа, ночь: +14° 6 м/с14 августа, утро: +16° 7 м/с14 августа, день: +22° 8 м/с

Музыканттар махаббат сезімін білдіруде

1759
Фото: Театрдың баспасөз қызметінен.

«Астана Операда» елордалық тұрғындар мен қонақтардың назарына махаббат тақырыбындағы танымал туындылар ұсынылатын болады, деп хабарлайды театрдың баспасөз қызметінен.

14 ақпан күні театрдың Камералық залында  сағ 19.00-де «Bel Canto» музыкалық салоны» топтамасы аясында «Бәрі де махаббат жайында» романтикалық концерті өтеді.

Махаббат сезімін білдіретін шығармалар керемет вокалистер – Қазақстанның еңбек сіңірген қайраткері Жәмиля Жарқымбаева, халықаралық байқаулардың лауреаттары Татьяна Вицинская, Назым Сағынтай, Елена Ганжа, Шыңғыс Расылхан, Ұлпан Әубәкірова, Алмат Ізбамбетов, Ақылбек Табынбаев, Азат Мәлік, Батыржан Смақов, Аида Құрманаева, Дариға Мұсаева және т.б. өнерпаздардың орындауында шырқалады.

Халықаралық байқаулардың лауреаттары Балнұр Құдайберген (скрипка), Аида Әбдіқадырова (флейта), Дана Әбдіқадырова, Раушан Бескемпірова (фортепиано) сынды аспапшылар осынау сырлы сезім жайлы өз толғауларымен бөліседі.

Танымал опералардың ариялары мен дуэттері, белгілі әндер мен романстар осы музыкалық кештің көркін ашатын болады, олар: Е.Рахмадиевтың «Қамар-сұлу» операсынан Қамар мен Ахмет дуэті, Н.Тілендиевтің «Алтын таулар» операсынан Олег ариясы, Р.Леонкаваллоның «Паяцтар» операсынан Недда ариясы, Л.Делибтың «Лакме» операсынан гүлді дуэт, Н.Римский-Корсаковтың «Мамыр түні» операсынан Левко әні, «Жаңа Орлеанның еркесі» кинофильмінен Н.Бродскийдің «Be my love» («Менімен бірге болшы») әні, Э.Куртистың «Non ti scordar di me» («Мен сені ұмыта алмаспын») әні және т.б.

Сонымен қатар концерт бағдарламасына Ф.Крейслердің «Махаббат азабы», «Керемет гүлшетен», Э.Элгардың «Махаббат сәлемі», Ф.Госсектің «Тамбурин» және т.б. аспаптық туындылары енді.

Оценить материал
0