Наверх

Погода в Астане: 17 ноября, вечер: +1° 5 м/с18 ноября, ночь: -3° 5 м/с18 ноября, утро: -4° 5 м/с18 ноября, день: -6° 7 м/с

Алматыда тегін сырғанау алаңдары ашылады

1174
Фото: Ақпараттық спорттық хаб қызметінен.

Алматыда Тұңғыш Президенті саябағының алдында 850 шаршы метрлік жаңа мұз айдыны салынуда. Ол алматылықтар мен қала қонақтары үшін тәулік бойы тегін жұмыс істейді. Бұл жобаның ұйымдастырушысы Алматы қаласының әкімдігі, деп xабарлайды ақпараттық және спорттық xаб.

Қазіргі уақытта, мұз айдында құрылыс жұмыстары жүргізілуде, жақында оның салтанатты ашылу рәсімі өтеді. Мұндай алаңдар қарашаның соңына дейін Жібек жолы - Абылай хан, Әл Фараби - Ремизовка, Жандосов - Шаймерденова көшелерінің қиылысында, «Март» сауда орталығының жанында және Жетісу ауданы әкімдігінің маңында ашылады. Бұл туралы мұз айдындардың құрылысымен айналысатын Aksays Arena компаниясының жетекшісі Мұxамеджан Өсер мәлімдеді.

- Ашық мұз айдынды құру 10 күндей уақытты қажет етеді. Барлық қалаушылардың кез келген уақытта өз конькилерімен келіп, тегін сырғанауға мүмкіндіктері бар. Сондай-ақ, 10.00-23.00 уақыт аралығында келушілер үшін тамақтану дүкендері, конькилерді жалға алу орталықтары жұмыс істейді.

Олардың бағасы да қолжетімді болады. Басқа мұз айдындармен салыстырғанда конькиді 2 сағатқа жалға алу 500-600 теңгеден аспайды. Қазір мұздатқыш құрылғыларды күтудеміз, оны іске қосқан соң мұздатуды бастаймыз, - деп атап өтті Мұхамеджан Өсер.

Оның айтуынша, бұл мұз айдындар жаппай сырғанауға, шорт-трек, коньки тебу, мәнерлеп сырғанау сияқты қысқы спорт түрлерін қала тұрғындары арасында дамытуға бағытталған. Тегін сырғанау алаңдары қыс мезгілінің соңына дейін істейді.

Оценить материал
0