Наверх

Погода в Астане: 11 апреля, день: +9° 3 м/с11 апреля, вечер: +2° 4 м/с12 апреля, ночь: -2° 4 м/с12 апреля, утро: +3° 4 м/с

«Нұрлы жер» бағдарламасы бойынша биыл 100 мың пәтер пайдалануға беріледі

1525
Фото: Министрліктің сайтынан.

Биыл «Нұрлы жер» бағдарламасының басталғанына 1 жыл болды. Осы уақыт аралығында Елбасы ұсынған жоба арқылы 100 мың 812 баспана пайдалануға берілді. Бұл туралы ҚР Инвестициялар және даму министрлігінің ресми сайтында жарияланды.

 Оның 72 мың 904-і көпқабатты, ал қалған 27 мың 908-і жеке үйлер. Өңірлерде баспананы қолданысқа беру бойынша 42,4 пайызбен Батыс Қазақстан, 36,2 пайызбен Оңтүстік және Қостанай облысы 35,6 пайызбен алда келеді.

Аталмыш бағдарламаның бірінші бағыты бойынша, өңірлерде сатып алу құқығынсыз жалға берілетін жалпы алаңы 288 мың  шаршы метр  болатын тұрғын үйлердің құрылысы жүріп жатыр. Бұл шамамен 5376 пәтер.

Өткен жылдың 12 айында халықтың әлеуметтік әлсіз топтарына 2620 баспана берілген.  Жоспар бойынша аталған жұмыстар 2019-шы жылға дейін аяқталады. Бұл ретте республикалық бюджеттен  25 млрд. теңге бөлініп отыр.

Кредиттік тұрғын үй құрылысы бойынша елімізде 16 мың 217 пәтер қолданысқа берілді.

Жеке құрылыс салушыларды ынталандыру үшін екінші деңгейлі банктер оларға 2017-2018 жылдары 152 млрд. теңге займ береді. Бұл сомаға жеке құрылыс салушылар 600 мың ш.м тұрғын үй салулары керек.

Ипотекалық несие берудің қолжетімділігін жоғарылату мақсатында «Нұрлы жер» бағдарламасы арқылы 120 млрд. теңгеге 8 мың займ берілмек.

2017 жылы  жалпы сомасы 13,4 млрд. теңге болатын 1,3 мың займ берілген. Ал биылғы мақсат -  жалпы сомасы 106,6 млрд. теңге болатын 6,7 мың займ беру.

Биыл аталмыш бағдарлама аясында тағы да 100 мың пәтер пайдалануға беріледі деп жоспарланған.

Оценить материал
0